讲起TVB嘅经典电视剧
《陀枪师姐》是当值无愧嘅经典之一
但系宜家我哋已经好耐冇见到佢哋嘅身影了
饰演陈小生嘅欧阳震华
最近啱啱参加完家燕姐儿子嘅婚姻
而饰演陈三元嘅滕丽名
就偶然会客串下《爱·回家》
最后嘅主演“娥姐”关咏荷
就淡出娱乐圈，专心做妈妈
不过在最近，《陀枪师姐》剧组团聚啦~~
近日，欧阳震华系微博晒咗几张相
三元、娥姐、余永财、小生
每个人都元气满满，同以前一啲变化都冇
睇翻佢哋啲合照
细个果时个童年回忆瞬间涌晒上嚟
当年欧阳震华同关咏荷绝对系
霸占咗TVB荧幕多年嘅“情侣档”
时隔20年，再次见到当年《陀枪师姐》嘅关咏荷
虽然已经54岁，但依然保养得好好
话佢仲系二三十岁，绝对有人信
1998年嘅《陀枪师姐》
可以讲得上系TVB最经典嘅电视剧之一
当年关咏荷饰演嘅朱素娥，形象深入民心
从此之后我哋观众都叫关咏荷“娥姐”
关咏荷原本系一个小小嘅文员
冇星探发掘，亦都冇专业嘅表演经验
就凭借住自己对戏剧嘅浓厚兴趣
投考咗当时TVB嘅艺员训练班
虽然投考之后被拒之门外
但一次特约演员邀请嘅机会
彻底打开咗关咏荷嘅演艺道路
后来经介绍拍摄咗亚视嘅《皇家档案》
而且第一次被选中做咗女主角
红系红咗啦，但当时嘅佢仅仅系嘅兼职艺人
不过令人当时意想唔到嘅系
有好多观众都话关咏荷生得似柏安妮
由于同柏安妮生得极其相似
所以关咏荷经常会俾路人认错
有一次，佢仲替柏安妮帮一个小朋友签咗名
直到1993年过档无线
先系《开心华之里》饰演邻家女仔“朱慧敏”
先真真正正做翻“关咏荷”
而之后关咏荷以“自己”嘅身份
演咗多套属于自己嘅电视剧
1996年同廖伟雄合作《河东狮孔》
饰演彪悍人妻“柳月娥”
令观众记得咗荧幕前嘅关咏荷
1997年出演古装剧《苗翠花》
创下当时电视收视点数40点嘅好成绩
而佢自己更凭借住“苗翠花”哩个角色
夺得万千星辉颁奖典礼“首届视后”
奠定咗当时“无线一姐”嘅地位
系攞完“首届视后”之后
组成咗同欧阳震华嘅“情侣档”
深受观众大家喜爱
《醉打金枝》
▼
《美味天王》
▼
《陀枪师姐》
▼
而《陀枪师姐》入面嘅朱素娥
一个外表坚强但内心柔弱嘅小小女人
关咏荷演得丝丝入扣
从此之后关咏荷就同“娥姐”划上等号
“娥姐”=关咏荷，关咏荷=“娥姐”
后来，关咏荷红遍全个香港
由于同欧阳震华塑造嘅荧幕情侣太深入人心
系现实生活中有好多观众觉得佢哋就系一对真正嘅情侣
尽管佢塑造咗睇上去十分登对嘅“荧幕情侣”
但系关咏荷永远最爱嘅
都系果个“龙套演员”：张家辉
有人讲过
“世间上最心酸嘅事莫过于系错嘅时间，遇上啱嘅人”
对于张家辉嚟讲，遇见关咏荷
并唔系佢最好嘅时间
认识张家辉果阵
关咏荷已经系无线嘅当家花旦
《苗翠花》、《醉打金枝》、《陀枪师姐》
已经令佢成为无线电视剧收视率最好嘅保证
而当时嘅张家辉仲演紧一部又一部嘅“烂剧”
佢中意演警匪片，但系冇人搵佢做主角
系果时，张家辉永远都系刘德华等人身边嘅小配角
1993年底，张家辉租咗间民居同关咏荷同居
间屋好细，只有三四十平方
有一次两个人一齐出入，俾狗仔队拍个正着
报纸一出之后所有人都觉得张家辉配唔上关咏荷
但关咏荷并冇为咗名气选择疏远张家辉
当时媒体嘅疯狂炒作，令关咏荷父母好唔放心
多次打电话催关咏荷带男朋友翻屋企
结果一去到，张家辉大吓一惊
原来关咏荷屋企上下系400几平方嘅复式楼
就连个厕所，都大过张家辉租嘅民居...
1996年，张家辉有一次借咗台车嚟接关咏荷
去到片场，就听到有人大叫
“咏荷姐，果个龙套仔开车嚟接你啦！”
“龙套仔”就系当时大家对张家辉嘅称呼...
知道自己身价同女朋友相差咁大
再加上事业严重不顺嘅张家辉
最终都系同关咏荷吵咗场大架
两个人不欢而散.......
而之后张家辉趁住佢南非帮叔叔办后事嘅时机
佢居然同关咏荷不辞而别
系南非足足生活咗8个月
关咏荷问遍佢身边嘅所有亲朋好友
但系冇人直到张家辉去咗边
直到张家辉嘅大姐系香港病重后
佢先翻到香港，见到原来系关咏荷
一直帮自己照顾大姐，感动到泪流满面
大姐去世之后，张家辉好似一下成熟咗好多
张家辉将关咏荷揽住，对住佢讲
“对唔住，我唔应该抛低你，我太自私了。我哋重新开始了，从此我可以面对一切...”
从果时开始，张家辉就暗自发誓
一定要努力回报哩个对自己深情不二嘅女人
后来，佢接咗30几部戏，虽然都系小角色
但张家辉都慢慢有啲名气
2003年，佢哋结束咗14年爱情长跑
终于结婚了！！！
而关咏荷都为咗张家辉，放弃事业
安心系屋企做家庭主妇
2006年一月，佢哋个爱情结晶Brittany诞生
有咗美满家庭嘅张家辉状态更好
终于系2009年，凭借《证人》嘅出色演技
力压梁朝伟等竞争对手，横扫七项影帝奖项
哩个“七项影帝”，一时间令整个演艺圈都为之惊艳
2014年凭借《激战》入面嘅“大只佬”
再次夺得金像奖影帝
多次影帝殊荣令大家记住咗
“张家辉个老婆系关咏荷”
而唔系“关咏荷个老公系张家辉”
张家辉讲获得金像奖影帝嘅大部分功劳
都归功于关咏荷，张家辉更讲到
“因为佢对哩头家嘅付出，我先可以将所有精力投入系演戏上，太太系我係娱乐圈最大嘅收货！”
如今嘅关咏荷，淡出咗娱乐圈
而张家辉嘅演艺事业亦都风生水起
女神偶然俾狗仔影到都系岁月静好、美貌如初
而且淡出娱乐圈之后嘅关咏荷
甚少出现系大众嘅视线中
最多就系带住囡囡去逛街
关咏荷讲过“我都唔甘心放弃自己嘅事业，但如果要拣，我选择家庭”
婚姻就系咁样，要磕磕绊绊先可以长久
只要系关键时刻，可以互相拖紧对方只手
转眼之间佢哋两个已经走过26年
佢哋嘅宝贝囡囡已经12岁，生活基本可以自理了
咁关咏荷嘅时间应该会空闲好多
唔知会唔会再考虑复出拍戏咧？
虽然我们嘅童年女神已经好耐冇新作品
但系佢曾经饰演过嘅果啲
个性鲜明，坚强善良嘅角色
都留咗俾我低好深嘅印象
又或者已经潜移默化咁改变咗我们
关咏荷淡出咗娱乐圈咁多年
睇佢电视剧嘅果班人都慢慢大个咗
希望张家辉同关咏荷嘅婚姻依然缠绵
亦都希望关咏荷能够复出演戏
带俾我哋好似《陀枪师姐》咁样嘅电视剧~
